من كواليس غنوة خالد الطيب بتوقيع عماد كُريم
كتب : خالد البسيوني.
طرح المطرب خالد الطيب مؤخرًا أغنية سي السيد ودعاء مليش غيرك من إنتاج شركة مزامير للإنتاج الفني التوزيع.
من غنوة مقسوم بإسم (سي السيد)
من كلمات والحان: عماد كُريم
توزيع : زيرو
هندسه صوتيه : إسلام غلاب
صولوهات : محمود شاهي
جيتار : ميزو
ودعاء (مليش غيرك)
كلمات والحان : عماد كُريم
توزيع : إسلام الحسن
أورج : محمود شاهي
جيتار : ميزو
كلمات أغنيه (سي السيد)
إللي ما تسمعش كلام جوزها
ست بتخرب علي بيتها
وإنتي كدة بقي علي فكرة
وأنا عمري ما كنت سي السيد
لو عايزة تعيشي علي راحتيك
سبيني وعيشي علي مع نفسيك
إطلبي الطلاق ودة من حقيك
دة لو الجواز حاجة بتائيد
أكلميك ما بتسمعليش
ولو سمعتي مابتعمليش
طوعيني مرة ماتعنديش
عملتي مشكلة من مفيش
إنتي إللي سايقة في عناديك
وعايزة تمشي بمزاجيك
مصممة وراكبة دماغيك
وهتخربي علي نفسيك
عمري ما غلط فيكي
ولا مرة رفعت إيدي
أنا ليا حقوق عليكي
وماقصرتش في حقيك
كلمات دعاء (مليش غيرك)
عبدك وناديتلك، وبصدق داعيتلك
قمت وصليتلك، بخشوع وساجدلك
مشيت ورا شيطاني، ضليني وراماني
في ذنوب محوطاني، بعد ما غواني
والدنيا غرتني، وفي لحظة خدعتني
علي اد ما ادتني، ندمت وياريتني
ع القبلة رافع ايدي، قربني ليك واهديني
من شر نفسي احميني، ومن الذنوب نجيني
تهت في دنيايا، والشر جوايا
غرقان في الخطايا ، ونسيتك يا مولايا
متوضي بدعيلك، وقصدت باب بيتك
بجهلي وعصيتك، راجع مليش غيرك
